منتديات الزول الساخر العامة
مرحب بيك في منتديات الزول الساخر نتمني لك اقامة طيبة ونسعد بوجودك معنا
بحـث
 
 

نتائج البحث
 


Rechercher بحث متقدم

تدفق ال RSS


Yahoo! 
MSN 
AOL 
Netvibes 
Bloglines 


سحابة الكلمات الدلالية


قصيدة ياسيدة لا ... الشاعر/ عمر محمود خالد

استعرض الموضوع السابق استعرض الموضوع التالي اذهب الى الأسفل

قصيدة ياسيدة لا ... الشاعر/ عمر محمود خالد

مُساهمة من طرف Admin في الأربعاء 5 ديسمبر - 7:03:12

يا سيده لا

يا سيده لا فايتانا وين مستعجله
شرط امتحان ما انتي كملت الحلا
لازم علوم ما بالسماحه مؤهله
ما سمحه قاطعه مكمله
ما ساحره نايره و مذهله
فايتانا وين مستعجله
الجامعه صبحت قاحله
حزنت لياليها وصباحاتا وبتبكي اصائلا
ما كنتي نواره ونسيمه و بلبله
كنتي الضيا البرشح سناه يجملا
كنتي الندى الحاضن زهورا مبللا
فايتانا وين مستعجله
فوتك منو العاد بقبلا
كل القلوب تخضع تجيك متوسلا
تتبع خطاك ترقص معاك
تزرع دروبك و تشتلا
فايتانا وين مستعجله
السله تبكي مولوله
ما الليله صبحت ارمله
جفت دروبها وبهجتا
وبنت العناكب مدخلها
ما كان عشانك يا ملاك
نحنا بنجيها وندخلها
كنا بنصفق للجمال
كنا بنصفق للحلا
لكن يمين حالفين وراك
لا نجيها يوم لا نواصلا
حادين عليك يا مذهله
فايتانا وين مستعجله
القمرا لمن طولت روحنا ليها بنسألا
القمرا لمن اختفت مشينا ليها نسألا
قلنا ليها ليه يعني الغياب
ساعه الظلام ايش طولا
قالت خلاص بارضكم ما لي صلا
انا اصلو بشتاق للعيون البطبيعه مكحله
وانا كان عشان سيده بجي بطوي الديار و اجملا

غلطات كتيره الكمبيوتر بعملا
امكن نسا و امكن سها وجاط النمر باكملا
ما قالو بعرف كل شي
ليه ما عرف كل الحلا
لو كان عرف كل النمر كان بدلا
لو كان عرف كان النتائج بدلا
و عشان عيونك يا قمر كان ختا اسمك اولا
فايتانا وين مستعجله
مالو العميد مالو العنيد
مالو لو رفد المصحح و المعيد
و خلا ست الناس تعيد
و شال من نمرنا و كملا
فايتانا وين مستعجله
الجامعه بعدك كوم رماد
لا تنفع اداب لا اقتصاد
لا فيها طب لا صيدله
يا السيده لا و يا السمحه لا
فايتانا وين مستعجله

Admin
Admin

المساهمات : 7
تاريخ التسجيل : 04/12/2012

http://sakheir.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى